أسرار بنات

القصّـــة

أُحبُّ الإثارة بل أعشقها أنا وبنات خالاتي ساره ومريم وأختي نُهى .. وفي إجازة الصّيف

اجتمعن خالاتي كلّهنّ في مدينتنا من سائر المُدنْ الّتي يُقمنَ بها ونحن معهم طبعا . كلّهنّ اجتمعنَ

عند واحده من خالاتي في البيت في جدّه … على فكره أنا اسمي ( غدير ) . المهم جلسنا نحنُ

الأربعة أنا ونهى وساره ومريم في غرفة قاعدين نتْسولَف وخالاتي راحوا السوق كلهم . وأولاد

خالاتي راحوا عالبحر وخيلاني راحوا مدري فين بسْ المهم ماكان في أحد في البيت . شفتوا

الإفترى جابونا لجدّه علشان يمشّونا وهمّا راحوا يتمشّوا وسابونا في البيت إحنا الأربعة مولّعين

نار من الطفش ما نبي نتمشّى ولا نبي نتسوّق نبغى نسوّي شيْ جديد شيْ مميّز بس ايش ؟؟

ايش ؟؟ وأخيراً جات على بال أختي الحلوه أكبر وحده فينا نهى فكره جهنّمية ؟؟!؟؟

قالت : يالله يا بنات جاتني فكره ما راح أحد بيسبقني عليها فكره رهيبه جهنّميّه ؟؟

إحنا : خير ايش هيّ هالفكره وشْ هيّ قولي

نهى : لحظه بسْ وراح تشوفوا ……………

وراحت برّة الغرفة ورجعت ومعاها ثياب و شماغ لا وطربوش وعقال بعد

وقالت يالله يا بنات ألبسوا هذي الثياب وخلّينا نطلع برّه شويْ

قلنالها : منْ جدّكْ إنتي حصلّك شيْ في عقلك وليش هذي الثياب تبينا نطْلعْ أوكّي

نطلع بالعابايات ونروح الكافتريّا الّي جنب البيت

نهى : لا يا حبايبي بنروح بنلبس الثياب و نروح بالسيّاره نتمشّى ونفحّط أنا الحمد لله من يوم ما

رجعْنا منْ مصْر وأنا ميّه ميّه في السيّاره يعني لا تخافوا أنا أعرف أسوق مزْبوط ومحدْ راح

يلاحظ إنّنا بنات راح نلبس الثياب ونتلثّم بالعمامه ونكون بسْ جالسين في السيّاره نروح بسْ ربع

ساعه وراجعين ولا أحدْ داري منْ أهلنا فين رُحْنا وفين جينا …………

وأنا وبنات خالاتي عجبتنا الفكره مووووووووووووووووووووووووت وعلى طول وافقنا بسْ

كان كلْ تفكيرنا إيش بيحصلّنا لو شافنا أحدْ منْ أهلنا وكشفونا حنروح فيها ذيكَ الساعه

المهم قُمْنا ولبسنا الثياب والعمامه والله مدْري كيف طلعْنا المُهمْ مشّينا حالنا وبسْ

ومنْ يوم ما نزلنا الشّارع وإحْنا مرتبكين نطالع يمين وشمال أوّل مرّه نطْلَع الشّارعْ منْ دون

عابايات والمشكله الكلْ يطالعْ فينا والله باين إنّنا بنات

فقلتْ : خلاص خلّينا نرْجع تراني خايفه

وهُمْ ما شاء الله عليهمْ مَدْري كيف جاتهمْ الجرأه هذي الكلْ يقول لا خلاص ما راح نرْجع راح

نروح ونتمشّى زيْ ماخطّطنا وكلّهم طلْعوا السيّاره وقالوا يا غدير كذا النّاس حتشكْ وحتلفتين

إنْتباههمْ وراح يشكّوا فينا أتْصَرّفي بشكلْ طبيعي وأمْشي بجُرْأه وخلاص

حتّى لو كشفونا ما راح تطيح السما على الأرض عايدي

ومنْ يوم ما قالولي هذا الكلام خلاص حسّيت إنّ الموضوع عايدي ما يسْتاهل وطلعتْ السيّارة .

طبعاً نُهى قُدّام تسوق وساره جمْبَها و أنا ومريم وَرَا جالسين نرْتجفْ منَ الخوْف وساقتْ نُهى

السيّاره فينا وقاعده تمْشي عايدي وساره تقولّها فحّطي وتفحّط وأنا بموت من الخوف فقلت :

خلاص لا لا تسوّي أشياء تلفتْ النظَرْ الْحين تجي الشُرطه  نروح فيها

المهم وقّفنا عند الاشارة وجمْبنا سيّاره فيها شباب

ويطالعون فينا ويتكلّمون كأنّهم شاكّين فينا وقُلْت لنُهى لو ولّعت الاشاره خَضْرا لا تمْشي أسْتَنّيهُم

يمْشون لوْ راحوا قُدّام لُفّي على جهَةْ اليمين

ولوْ راحوا يمين رُوحي قُدّام أَحسْ انّهمْ ناويين على شَيْ 00 المُهمْ وَلّعَتْ الاشاره الخضرا وهُمْ

ماراحوا واقفين يستنّونا نروح علشان يلْحقوا ورانا وإحْنا واقفين وهم واقفين وبواري السيّارات

الّي ورانا تدُقْ وهم ينظرون الينا نظرات غريبه بعدين مشْيُو قُدّام وإحْنا لفّينا يمين وقُلْنا لنُهى

خلاص أرجعي البيت وطبْعا نُهى الذكيّه تتْقنْ السّواقه بَسْ ما تعْرفْ وين البيت

ولا تدري عن جدّه شيْ

فقالت نُهى : ما أعرف ضيّعتْ الطريق …… وإحْنا مبلوهين : أيش ضيّعتي الطّريق كيف

حنرجع البيت الْحين يا ويلنا ويلاه منْ أهلَنا اذا درْيُوا

وبعدْ شويْ إلاّ والسيّاره الّي أوّل كانت جَمْبنا لَفّتْ السيّاره وجات لجهتْنا وإحْنا خلاص محْنا

عارفين ايش نسَوّي ونُلُفْ يمين تلُفْ يمين نلف شمال تلف شمال ورانا ورانا

وأنا قاعده أبْكي منَ الخَلْعَهْ

 على فكْره السياره سيّارة السوّاقْ حَقْ خالتي طلَبْنا من ولد خالتي الصّغير يجيب المُفتاح منَ

السوّاق وجابو لينا ورجع البيت عند الشغّاله

معا أولاد خالاتي الصّغار

المهم وين وصلنا ؟؟ إيوه ومالقينا حل إلاّ إنّنا نضيّعهم من الانظار وبعدين ندوّر على البيت

حاولنا وبعدين دخلنا في احدى الحارات المظلمه ودخلوا ورانا وإحْنا خايفين

ولفّت نُهى بالسيّاره على جدار

ووقّفتْ فجأه بعد ماكانت مسرعه أنصدمت رؤوسنا على المقاعد وطاحت العمامه حقّتي وحقّة

ساره ونُهى ومريم ماطاحت عمامتها وجات السياره ورانا وشكلهم شافونا وقّفوا السياره ونزل

واحد … وقلنا نُهى بسرعه حرّكي السياره 00 كانت ترفع العمامه عن وجهها وساره مهي

قادره تستنّى قالت لنهى أدعسي بنزين بسرعه بسرعه ومسكت ساره الطاره قاعده تلف يمين

وشمال ومشينا بسرعه والشباب كانوا قصدهم يمسكونا بس الحمد لله نجونا بأعجوبه

وبعدين ضيّعناهم عنّا وقاعدين ندوّر البيت وما لقينا رُحْنا حارات ثانيه

أوّل مرّه في حياتنا نشوفها

ومرّ الوقت وإحنا على هذي الحال والمشكله نسينا جوّالاتنا في البيت فقلنا نتصّل من كبينه بَسْ

آآه ما عندنا فلوس وقاعدين في السياره نبكي ونبكي ونسب كلّنا في نهُى لأنّها هيّ جابتلنا هذي

الفكره وقلنا خلاص ننزل لبقاله ولاّ مكتبه ولاّ أيّ شيْ نتّصل منّو على أهلنا وإحنا نازلين ربّي

أنقذنا لقينا أولاد خالاتي كلّهم في السياره 00  لا بعد إحنا نغطّي عنهم أصْلاً أنكسفنا نروحلهم

بهالشكل ثوب وعمامه بعد كانوا نازلين للبقاله يشتروا سجاير وولاّعات وهم في البقاله إحنا

وقّفنا عند سيّارتهم نسْتنّاهم وهم راجعين قاعدين ينظرون فينا نظرات غريبه مستغربين ليش

واقفين عند سيّارتهم 4 أولاد متلثّمين الّي هم إحنا طبعاً . وما قدرنا نستنّاهم يجون عندنا إحنا

تقدّمنا قُدّامهم وجينا عندهم نبكي ونشكيلهم

وقلنالهم على الّي حصل

وهم مبلوهين مو قادرين يستوعبون الموضوع وفجأه صرخ واحد فيهم علينا وقال طيّب كُلّو في

البيت عند الأهل وكأنّو أخونا ولاّ أبونا يهاوشْ فينا ماكأنّو ولد خالي .

وقال أطلعوا يالله بس على السياره وطلعنا

واثنين منهم راحوا في السيّاره حقّتنا وإثنين طلعوا في سيّارتهم وإحنا وراهم جالسين والسياره

إه إه إه مليانة دُخّان وهم يخاصمون فينا ويقولوا فضحتونا الله يفضحكم

واحنا بنموت خوف من إنّهم يقولوا لأهلنا

فقال واحد منّهم : طيّب حأعلّم خالاتي عليكم

فقلت : طيّب علّموا علينا بس إحنا راح نعلّم خالي عليكم لأنّكم تشربوا دخان

 للمعلوميّه خالي يكره الدّخان ويكره الّي يدخّن وهوّ شديد وصارم مرّه في الأمور هذي

وبسرعه رمى ولد خالي السجاره بيدّو من الشُبّاك

وقال : شوفوا اذا علّمتم عنّا راح

نعلّم عليكم أوكي ! ؟

وإحنا شكرنا ربّنا إنّو ستر علينا

ورجعنا البيت وما نزّلنا الثياب وبدّلنا ملابسنا إلاّ وأجواز خالاتي وخيلاني بَعَدْ وصْلوا

و فتحوا جلسه عائليّه إنضمّينا لهم

وطبعاً أولاد خالاتي مافي

وفجأة يجي خالي الشديد معصّب مرّه ويقول إنّو السوّاق قالّه إنّه ولد خالتي الصغير أخذ مفتاح

السياره ودخل البيت وبعد شوي يخرجوا من البيت أربعه شباب متلثّمين ويقول السواق أنا

ماعرفتهم وأخذوا السياره ومشيوا

وقبل شويْ رجعت السياره وما أنتبهت لها إلاّ الْحين

وشكّوا في أولاد خالاتي وأستغربوا لأنّهم عندهم سياره وأنا وبنات خالاتي وأختي محنا قادرين

نقاوم نطالع في بعض ونضحك ويسألونا ليش تضحكوا ؟

نقولّهم لا ولا شيْ

أسرار بنات

=========================

منقولة بتصرّف

 إلى لقاااااااااء …

قصّة حب بالصّدفه

روعه

القصّـــة

قصّة واقعيّه

   (        والعهدة على الرّاوي        )

اعجبتني واتمنّى أن تعجبكم

كان ياماكان في سالف العصر والاوان

كان في بنت حلووووه اسمها شَجَنْ

وحيدة اهلها ماعندها خوات ولا اخوان

كانت عايشه في الخارج لتكمل دراستها الجامعية فكانت تعيش في سكن

طالبات الجامعه في كندا

وايضاً في نفس الجامعه شاب وسيم يدعى بدر

اخونا بدر كان ابن عزْ ومتعوّد على حياة الترف

امّا شجن فكانت حياتها عاديّة جداً

في يوم من الايّام كان بدر وصديقه يوسف في مواقف الجامعه

وكانوا هناك شجن وصديقاتها حصل اصطدام بسيط بين بدر وشجن

لانّه بدر كان يبي يفتح باب سيّارته فخبط شجن على وسْطها بالباب دون قصْد

طبْعاً شجن ماسكتتْ له وقالت له

شجن : يؤيؤ شفيك انت ماتشوف منْت شايفني واقفه ليش تفتح الباب وتخْبطني فيه

بدر : سووووري ما كان قصْدي غصْبنْ عنّي

شجن : انتو كذا يالشباب يوم ودّكم تتحرّشون في بنت تسوّون أيْ طريقة

وبعدين تقولون سووري

بدر: لوْ سمحتي اختي انا غير عن كلّ الشباب انا ما أفكّر اصلاً انّي

اطالع في اشكالك

شجن : تراك قلّيت ادبْك منْت ملاحظ

بدر : وشْ يعني ماهمّيتيني

يوسف : خلاص ياجماعه حصل خير آسفين اختي

شجن : يالّه روح بسْ اركب سيّارتك واتْسَهّل قبل ما اكلّمْلك الأمن

بدر يطالعْ فيها بنظرات ازْدراء ويضْحك ويمْشي عنْها هوّ ويّا يوسف

شجن معصّبه تْركب سيّارتها وتروح تتْمَشّى شويْ

وخلال تمشيتها جلستْ تراجعْ نفْسها وشْ ذا اللّي سوّيته مع الشاب

مبيّن عليه محترم

بسْ هيّ ماعرفتْ تتصرّف معاه

وفكّرت وهيّ تتمشّى انّها تروح للسّوق تقضّي هدايا قبل الاجازه

لأنّها بتسافر خلال الاجازه لأهلها تقْضي الصيف عندهم

وخلال ماهي تتسوّق اصطدمتْ بشاب

على طول بادرته بالأسفْ وهوّ بعدْ تأسّف منْها يوم طالعوا ببعضْ زين

عرْفوا بعض

قام بدر قالها

بدر: انتي ملاحقتني

شجن : انا ولاّ انت اللّي ملاحقني

على العموم حصلْ خير عن اذنك

لمّا اصطدموا ببعض اتلخبطتْ جوّالاتهم

بدر اخذ جوّال شجن

وشجن خذتْ جوّال بدر

بدر يرن عنده الجوّال

بدر: الووو مين

سمر : انت مين ووين شجن

بدر : شجن مين هذا جوّالي انتي غلطانه

وتوالت عليه الاتّصالات

شجن : الووو

يوسف : مين انتي

شجن خير اخوي تبي شيْ انت داق علي

يوسف : انا داق على خويي بدر وهذا رقمه

شجن : شلون كم الرّقم اللّي انت طالبه

يوسف : ….

شجن : غلطان اخوي

تروح شجن وتدق على جوّالها

بدر: الوو

شجن : مين انت

واشلون جوّالي عندك ؟

بدر : جوّالك ؟

يبه هذا جوّالي انا بدر انتي اللّي داقه غلطْ

شجن : لا موغلطْ ارجعْ انتْ ودِقْ على رقمك وشوف مين يرِدْ عليك

بدر : اوكي

يدق بدر وترد عليه شجن

شجن : شفْت اخوي مو قلت لك انّه اللّي معاك جوّالي واللّي معاي جوّالك

بدر : إي صحيح شلون آخذه منّك

شجن نتقابل في الحديقه العامه

بدر : اوكي الساعه 4 زين

شجن : اوكي

اتقابلوا وكل واحد منهم اخذ جوّاله وراح بحال سبيله

بعد اسبوع

تجهّز شجن شنطة سفرها لأنّها بترجع لأهلها

وصادف انّه بدر بيرجع في نفس الرحله هو بعدْ

تقابلوا بالمطار وابتسموا لبعض

واستغربوا من الصدف اللّي للحين تجمعهم ببعض حتى يوم سفرهم

كل واحد منهم حط شنطته بالجهاز ومشيوا عشان يركبوا الطيّاره

بس بالطيّاره ماكانوا جنب بعض

بدر كان درجة اولى

وشجن درجة ضيافة سياحيّه

الرحلة كانت مزحومه خاصة درجة الضيافة

وكان جالس جنب شجن شاب قليل ادب ضايقها واضطرّت انها تكلّم

السوبر فايزر عشان يوقفه عند حدّه

فاقترح عليها السوبر فايزر بما انّها بنت لوحدها والطيّاره لسّه

ما اقلعت انّها تروح للدرجه الأولى

فيها مقعد شاغر وبدون

مايحسب عليها شيء

ابتسمت له شجن ووافقت

ولمّا ودّاها السوبر فايزر لقيت انّه الكرسي الشّاغر هوّ الكرسي اللّي جنب بدر

فرفضت انّها تجلس جنبه عشان لايقول انّها تلاحقه

فضحك لها بدر وقالها اتفضلي اختي ارتاحي

مارح اسوّيلك شيء

شجن : لا مشكور انا برجع مكاني

بدر : لا والله مايصير انا بروح مكانك وانتي ارتاحي هنا

شجن : لا اعذرني

بدر : اجل خلاص اجلسي هنا واوعدك انّي طول الرحله ما اتكلّم

ولا اطالع يمّك ابد

شجن : اوكي اتّفقنا

اقلعت الرحله

طول الرحله بدر يبادلها نظرات خفيّه ويحاول انّه يلفتْ نظرها بسْ مافي فايده

شجن : لو سمحت ممكن الجريده اذا انتهيت منها

بدر : اكييد اتفضلي

شجن : شكراً

بدر : عفواً

بعد شويْ

كل واحد منهم استسلم لنومه

وصلت الرحله

نزلوا للمطار

طبعاً لقيوا أهلهم

استقبلوهم

وراح ابو شجن يستلم شنطتها لكن تلخبط واخذ شنطة بدر

وبدر بعدين مالقى غير شنطة شجن واخذها لأنّها شبيهه جداً بشنطته

شجن في البيت

شجن : وحشتيني يامي وانت يابوي

تعالوا اورّيكم وش جبت لكم من كندا

تفتح الشنطة شجن وتلاقي صورة بدر وملابس رجاليه عرفت انّها تلخبطت معاه بالشنط

فقالها ابوها طالعي باغراضه مافي له عنوان او رقم

دوّرت شجن ومالقت الاّ رقم واحد بدون اسم

فاتّصل ابوها على الرّقم وقاله تعرف بدر

طبعاً اسمه موجود على الشنطه

صديق بدر : قاله ايه خير وش فيه

ابو شجن : خير انشاء الله بس في المطار اتبدّلت شنطته مع شنطة بنتي

واذا كنت تعرف له رقم ياريت تدلّنا عليه

طبعاً الشاب ماقصّر وعطاهم رقم بيته وجوّاله

بدر يوم وصل البيت وسلّم على اهله

طلع غرفته يرتاح وطلب من الخدّامة

انّها تجيب له الشنطه

وهو يفتح الشنطة استغرب

لقى ملابس بنت ملابس نسائيّه

بدر : يؤ يؤ وش ذا انا في كندا ماصار معي كذا

وش ذا الزّين

ولقى صوره لشجن

وعرف انّ الشنطة لها

بسْ ويلاقي على الشنطه مكتوب عنوانها ورقم تلفونهم

ويروح ويتّصل

بدر: الوو السّلام عليكم

ابو شجن : وعليكم السّلام

بدر : معاك بدر

ابو شجن : جيت والله جابك

شنطتك ياولدي عندنا

بدر : والله وانتوا بعد شنطة الآنسه شجن عندي

تواعدوا انّهم يتقابلوا ويبدّلوا الشنط

 وكلّ واحد ياخذ شنطته

وفعلاً تقابل ابو شجن وبدر

شجن استغرَبَتْ من كلّ الصدف

اللّي جمعتها ببدر للحين

في مواقف الجامعه

في السوق

الجوّالات

في المطار

في الطيّاره

والشنطه

جلستْ شجن طول اللّيل تفكّر في بدر

وبدر نفس الشيء انشغل فكره بشجن

واتمنّى انّه تبادله نفس الشعور

لأنّه معجب فيها لدرجه كبيره

وودّه لو تكون زوجته بس صعبه شوي

لأنّه فيه عقبة في طريق بدر

انّه خاطب بنت خالته قبل مايسافر

ومايقدر يسيبها

حاول انّه يتّصل على شجن

لكن ابد ماصادف انّها ترد عليه

وصار يتخيّلها طول الوقت

وموقادر يشيل صورتها من باله

خاف بدر انّه يتعلّق عقلة وقلبه في انسانه ماتفكّر فيه ابد فحاول انه يتناسى الموضوع

انخطبت شجن واتحدد موعد الفرح

ومن محاسن الصدف ايضا انها طلعت تعرف خطيبة بدر

وطلعت صديقتها

فراحت شجن تعزمها لحفل زواجها

دانا : هلا والله شجن

شجن : ياهلا فيك

دانا : ياهووو وين الغيبه ولا كأن لكي صديقة تسألين عنها

شجن : اعذريني يادندون بس من يوم مارجعت من السفر وانا معتفّسه

انخطبت فجأه واتحدّد موعد العرس بين يوم وليله وانا ماني مقتنعه بالرجّال

لكن اهلي يشوفون انّه انسب واحد لي

لأنّه غني ومركز اهله عالي وسمعته زينه

لكن انا ما ابيه ما احس انّه الشخص اللّي في بالي ودّي بإنسان

لكن من الصعب انّي الاقيه ثاني

دانا : يعني في احد في بالك

شجن : ايه

دانا : منو

شجن : شاب قابلته في كندا وصارت بينا مواقف كثيره

لكن ما اعرف احساسه شلون ناحيتي

دانا : طيب ماتعرفين عنّه شيء

شجن : للأسف لا

دانا : الله يعينك

طيّب حاولي فهّمي اهلك الموضوع قولي لهم انّك ماتبين اللّي اختاروه ليكي

شجن : مافي فايده

امّي مقتنعه فيه واقنعت ابوي

ابوي مايهمّه المركز والفلوس ابوي يهمّه الشاب شلون دينه واستقامته

لكن امّي الله يهديها اقنعت ابوي بكلّ الوسائل

دانا : الله يكون بعونك

شجن : على العموم هذي بطاقة دعوه لعرسي انت والاهل طبعاً تتفضّلون

دانا : طيّب اقدر اعزم اللّي ابيه

شجن: اكيد

اعتبريه عرسك انتي مو عرسي

دانا : يابعد عمري

شجن : استأذنك الحين وراي كذا مشوار للسوق

دانا: الله يعينك فمان الله

شجن : فمان الله

بعد شهر عرس شجن

دانا تكلم بدر

دانا : حبيبي لك معاي عزيمة في عرس صديقتي

بدر: شلوون

انتي تعرفين انا ما احب اروح للاعراس دندون بلييييز لاتجبريني ما ابي

دانا : بدر مايصير لازم تروح لأنّك انت اللّي بتودّينا اصلاً وبدل ماتروح وبعدين ترجع

خلاص احضر العرس مرّه وحده

بدر : منّا لذاك اليوم يصير خير

بدر : اقول هو عرس مين

دانا : صديقتي شجن

بدر : شجن

دانا : ايه اشفيك كأنّك غصّيت

بدر : لا ابد بس ارسلي لي الكرت ودّي اشوفه

دانا : تعال اتغدّى عندنا اليوم وبعدين شوفه

بدر : اوكي

يرووح بدر زيّ الرّيح لبيت دانا

ويشوف الكرت ويقرا الاسم شجن

ويعرف انها نفس اللّي شاغلة تفكيره وقلبه

ويزيد كآآآآآبه

ويتغيّر حاله

(    يوم العرس   )

طبعا شجن طلعت من اجمل مايكون

دانا : بدر وينك مارحْ تودّيني انا وامّي للعرس

بدر : الاّ بجيك شويْ

بدر: يسوق السياره ودانا تسولف معاه

وهوّ ابد مو ويّاها

الين ماوصلوا الفندق اللّي فيه العرس

تدخل دانا وامّها لصالة الحريم

وبدر يروح لصالة الرجال

ويقابل ابو شجن ويسلّم عليه ويتذكّر ابو شجن انّه هوّ الشاب اللّي تبدّلت شنطة بنته معاه

شويْ وبدون سابق انذار يشُبْ حريق بصالة الحريم

والاصوات تتعالى

ابو شجن خايف على بنته وزوجته ويجون رجال الاطفاء ويحاولون يسيطرون على الوضع

بدر يقول للمعرس ادخل انقذ زوجتك

المعرس : لا يبه انا مو بايع عمري اذا لها عمر ومكتوبه لي مارَحْ يحصل لها شي

بدر يطالع فيه بنظرة استحقار

دقّت شجن على ابوها تستنجد فيه

 وتقوله انّها بغرفة العروس

وهي تصرخ ويسمعها بدر ويطير لها طيران

ويحاول انّه يقتحم النيران الين مايقدر يوصل للغرفة اللّي فيها شجن

ويوم فتح الباب

وجت عينه بعيونها

شجن اغمى عليها ماصدّقت اللّي صار

يقوم بدر ويشيلها بين ذراعيه

ويطلع فيها من بين السنه اللهب

طبعا بدر نسي خطيبته وخالته لانّه مافي احد في باله الاّ شجن

طلع للخارج ولفّها بشماغه عشان لاحد يشوفها من الرجال اللّي برّه

ويطلع مع ابوها وامّها بسيّارة الاسعاف

وطبعاً عريسها منذهلْ من بدر اشلون ماخاف على نفسه

وانقذها وهيّ ماتصير له شيء ولاتقرب له

وتجلس بالمستشفى يومين من اثر الصدمة

ويجي يزوها عريسها في المستشفى لكن ابوها يطرده

لأنهّ مو كُفْؤ انّه يكون زوج لبنته

يتّصل ابو شجن على بدر ويطلب منّه انّه يشوفه

ابو شجن : والله ياولدي ماني عارف وشْ اقولك انا عاجز عن شكرك

لانّك انقذت حياة بنتي

واثبَتْ لي انّه النذل زوجها مايستاهلها

بدر: ياعمّي ودّي اطلبك طلب

ابو شجن : تفضّل اطلب اللّي تبيه

بدر : ودّي اكون نسيبك

ابو شجن : وانا اتشرّف انّه واحد مثلك يكون زوج لبنتي

وطبعا الباقي معروف

تزوّجوا وعاشوا احلى حياه

ودانا انصدمت صدمه كبيره في خطيبها وصديقتها

لكن تفهمت الوضع بعدين

========================

محمود

منقولة بتصرّف

إلى لقاااااااااء …

فتـاة تقتـل حبيبهــا

القصـــة

اليوم انقل لكم هذه القصّة التّي حدثتْ واقعاً

( والعهدة على الرّاوي )

لشاب مع حبيبته واترككم مع القصّة

وأتمنّى أن تنالوا منها العظة والفائدة

تقول أمّ محمّد والدة القتيل

قبل مدّة جاءنا اتّصال هاتفي السّاعة الثانية فجراً من شابة تقول أريد التحدّث مع (أم حمّوده)

وهي تقصد (  إبني محمّد )

فقلت لها : من أنتي ؟ فاقفلت السمّاعة على الفور

و في اليوم التّالي و في نفس الوقت بالتحديد اتّصلت مرّةً أخرى وهذه المرّة بصوت منخفض

فقلت لها : يا بنت النّاس إمّا أنْ تتكلّمي أو أقفل السمّاعة

 (  فقالت : أريد التحدّث مع أمْ حمّوده  )

فقلت لها : أنا أمْ محمّد

فقالت : أمانه عليكي (ياخاله) أن تأخذي التيلفون في غرفة أخرى

لأنّها سمعت أحداً بجانبي ، و بالفعل أخذت التليفون الى مكان آخر

وقلت لها : ماذا تريدين ؟

فقالت بالحرف الواحد : ياخاله أنا أحبْ حمّوده , أنا أتنفّسه , أنا مجنونة حمّوده

فسألتها من أنتي و ماذا تريدين ؟

فقالت لي : أنا فلانه (قالت لي اسمها الكامل) ثمّ قالت : لي طلب ياخاله أنا عندي

(خمسة الآف ريال) أريد أن أعطيكي ايّاها لتعطيها حمّوده ليقدّمها مهراً لي عند والدي

دهشت ! و قلت : من أين تعرفين (محمّد) ؟

فقالت : أعرفه منذ مدّة وأنتظره ليخطبني

فوجئت بكلامها فقلت لها : إن شاء الله سوف أسأل محمّد عن الموضوع

وإذا كانت هذه رغبته فسوف أُرسله إلى أهلكي

صدمت من الموضوع لأني أنا ومحمّد إعتدنا الصراحة مع بعضنا البعض

و جاء محمّد وسألته من هذه الفتاة وهل تريد الزواج بدون أن تخبر والدتك ؟

عندها ثار وغضب وقال (حسبي الله و نعم الوكيل عليها) يا أمّي أرجوكي أن تنسي امرها

فأثارني بكلامه وصحت فيه : فلماذا تخدعها ؟ هل بنات الناس لعبة عندك ؟

فقال : يا أمّي البنت لا تناسبني وأنا قلت لها نحن لا نناسب بعضنا البعض

ولكنّها مصرّةٌ على ملاحقتي .

عندها تركني و ذهب لينام ، لكن لم يهدأ لي بال

والقلق لم يفارقني

بعد حوالي شهر اتّصلت نفس البنت و قالت : ياخاله أرغب في زيارتكي أنا و أمّي

و بسبب عاداتنا ، لا يمكن أن أردّ أحداً عن بيتي حتّى لو كان عدوّاً

فما بالكم بفتاة مهذّبة في حديثهاوتحبّ ولدي

فسألتني عن البيت ووصفته لها و لمْ أُخبر محمّد عن الموضوع

حتّى لا يتصرّف تصرّف غير لائق مع ضيوفي يــوم الــزيارة

و في اليوم التّالي السّاعة الرّابعة حضرت (( ف.م ))

مع والدتها وفوجئت بأنها بنت صغيرة وعلى قدر كبيرمن الجمال

فجلسنا و تطرّقنا لعدّة أحاديث ولكن الغريب أنّهنّ جلسن معنا أكثر من خمس ساعات

وعند السّاعة الثانية عشرة سألتني أين (حمّوده) ؟

فقلت : نائم

وبعد ربع ساعة ذهبت وظننت أنّها ذهبت الى الحمام فتركتها على راحتها

و لكنّها غابت أكثر من اللاّزم وهنا ساورني شكٌ ، أين ذهبت الفتاة ؟

فذهبت لأرى ولم اجدها في الحمام !

ذهبت مسرعة الى غرفة محمّد و وجدتها جالسة عند رأسه و تريد ايقاظه

إستيقظ محمّد من نومه مفزوعاً وحينما رآها صرخ بها : من أتى بكي الى هنا ؟

و شتمها

فسحبتها من يدها وأنا متضايقة منها ومن هذا التصرّف غير اللائق

ورجعت الى محمّد وهدّأته وقلت له : أنا الّتي قبلت زيارتهنّ لنا

فقال : ولماذا يا أمّي أنا قطعت علاقتي بها منذ مدّة

فترجّيته أن يهدأ وأقفلت عليه الباب

وأخذت المفتاح معي

ومنذ تلك اللّحظة سقطت ( الفتاة ) من عيني

 فعاداتنا وتقاليدنا لاتسمح لفتاة بالدّخول على رجل غريب

ومنذ تلك اللّحظة وأنا متوتّرة وأُريدهما أنْ يخرجا من بيتي ولكنّ العادات لاتسمح

فأخبرت أختي بالموضوع فقامت بطردهما ولكنّي نهرت أختي و قلت : لا ،

هؤلاء ضيوفي أنا

الوقت متأخّر وكانتا تتعلّلان بأنّ قريبهما سيأتيولكنّه تأخّر

عندها ذهبت إلى محمّد وقلت له خذ سيّارة جدّك لإيصالهم ، فقال : لا وثار

فقلت أنا التّي أقول لك وليس هما

و بالفعل ذهبنا إلى مكان سكنهما وعندما نزلتا أحسست وكأنّه كابوس قد إنزاح عن صدري

لم أرتح لهذا الموضوع لأنّ (محمّد) أسمعني شريط مُسجّل بينه و بين الفتاة تقول فيه : نريد أن

نتفاهم على الموضوع الّذي اختلفنا عليه ، فيجيبها محمّد لقد تعبت من كذبكي وألاعيبكي لا تلفّي

وتدوري عليّ كلّ شيئ انتهى ، فتجيبه أعدك أنّها آخر مرّة فأمّي هي الّتي تُجبرني على فعل هذا

فقلت : يا محمّد إبتعد عن هذه الفتاة

وفي هذه الاثناء كان محمّد قد سجّل في الشرطة العسكريّة وعندما قبلوه ذهب

ونام عند (عمّته) ليذهب مع ابنها في الصّباح لأوّل يوم في الدّوام

وفي الصّباح السّاعه السّابعة اتّصلتُ لأطْمئنّ عليه فوجدته يفطر مع إبن عمّته

وذهبا إلى الدّوام

وعند السّاعة الواحدة اتّصلتُ على عمّته لاسألها كيف قضى أوّل يوم في العمل ؟

فقالت : أنّه لم يرجع الى الآن

بعدها اتّصلتُ السّاعة الثالثة فقالت : لم يرجع

قلقت عليه وقلت لنفسي ربّما ذهب للغداء مع اصحابه

وفي السّاعة السادسّة لم أصبر أنا وعمّته أجرينا اتّصالات عدّة ولكن دون فائدة

و بعدها رنّ جرس التليفون وردّ أبي على السمّاعة  وكان المتّصل نايف ابن عمّة محمّد

فسأله أبي أين محمّد ؟

فردّ نايف : محمّد يطلبك الرّحمة ، فسقطت السمّاعة من يدي أبي

فعرفت أنّ مكروهاً قد أصاب محمّد

فصرختُ بلا وعيْ وأخذتُ السمّاعة

 وقلت : أينَ مُحمّد ؟

فقال نايف : قتلوه ياخاله بلا رحمة

لم أُفقْ إلاّ وأنا بين أناس كثيرون في البيت

و عندما سألنا نايف وكان قد أتى قال : لقد أتت لمحمّد مكالمة من أهل الفتاة

وأنا نصحته بعدم الذهاب لكنّه أصرّ قائلاً لابُدّ من أن أذهب وأستطلع الامر

و بحسب التحقيق واعتراف أهلها ، أنّهم استدرجوه الى داخل منزلهم وأخذوا يماطلونه حتّى

أتت الفتاة من المدرسة بعدها ذهبت وأحضرت مسدس و خبّأته وراء ظهرها ووقفت أمامه

وسألتْه : أتُريد الزّواج منّي ؟

فقال : لا

فقالت : متأكّد ؟؟

فقال : نعم لا أريد الزّواج منكي

وعندها أطلقت عليه رصاصة واحدة اسفل الصدر  وذلك أمام أعْين والديها

و الأفظع من ذلك أنّهم تركوه ينزف ساعة كاملة

وعندما أوصلوه إلى المستشفى

وصل وهو في الرّمق الأخير

و توفى محمّد ( 26 ) سنة لأنّه رفض الزّواج منها

الفتاة عمرها 15 سنة وهي في الثالث متوسّط

تمّ دفع عشرة ملايين لأمّ محمّد لكيْ تتنازل ولكنّها مُصرّة على القصاص

الأعمام تنازلوا وحينما سألوا أمّ محمّد

قالت : أعمامه لا يُحبّونه

والدُ محمّد مُتوفّى منذ مُدّة و الفتاة في السّجن إلى الآن و القضيّة لا زالت لدى المحكمه

صبّرَاللهُ قَلْبَ الأُمْ

 ==================

محمود

منقولة بتصرّف

إلى لقاااااااااء …

الــحُـبّ الـحــقـيقـي

قصّه ولا أروع

القصـــة

حكاية شاب وسيم عمره بين 22 و23 ما يعرف عن الحب شي

ولا مرّه بحياته حاول انّه يعرف شيْ عن الحب

له طلّه مقبوله واللّي يشوفه على طول يحبّه

سافر والله وفّقه بوظيفة بس بعيد عن منطقة أهله اللّي ساكن فيها والمكان اللّي توظّف فيه

يمشّي الحال بسْ زيارات البنات على المكان هذا كثيره

وبيوم جتْ وحده ودخلت المكان هذا وشافت الولد هذا فأعجبت فيه و أخذت رقم المحل لانّه

موجود على اللوحة برّا ويوم راحت للبيت اتّصلت عليه وحاولت تحتك فيه بالكلام بس حسّت

أسلوبه جاف شويْ ولا قدرت تاخذ وتعطي معه

وصار كلّ يوم الساعة 11 المساء تتّصل عليه

علىشان تتعرّف اكثر عليه

وتتكلّم معاه وهوّ ما يعرف ايش يقول بس يسمع ويقول إيه ولمّا طالت الأيّام على الطريقه هذي

تشجّع مرّه وسألها إنتي ايش الهدف من مكالماتك هذي ولوين تبين توصّلين 00 هيّ جاوبت

على طول لأنّها منتظره السؤال هذا قالت ابي أوصّل لقلبك

قال : طيب أنا ما اعرف شيْ عن الحب ولا حتّى اعرف أتكلم فيه ولا افهم لغته

قالت : آذأنا بعلّمك على أيديني واخلّيك فيلسوف حب

المهم طالت المحادثه وجتْ أيّام وراحت أيّام

وعلى الطريقه هذي

وهيّ تعلّم فيه وهو يستوعب بسرعه لين خلاااااااااااااااااااااااص حبّ الولد من كل قلبه لدرجة

انّه صار ما يقدر ينام الليل من كثر التفكير فيها وكل اصدقاءه صاروا يحسّون انّه متغيّر ولا ياكل

ونحف وصار يفكّر كثير ويسرح كثير وأحيان يخطي باسمها وينادي اصدقاءه وهم مايبون

يسألونه مين الاسم هذا لأنْ من شكله مبيّن انّه حبْ

 وخلاص أعلى مراحل الحب وصل

دارت الأيّام ومرت سنه على الطريقه هذي ، واتّصل عليها بيوم وكان مزعوج قال لها : إنتي

شفتيني وشفتي شكلي وعرفتي أسلوبي وصار لنا سنه الحين ولا شفتك ولا حتّى شفت صورتك

قالت له : انتظر شوي لين يضبط وضعي واخلّيك تشوفني

قال : لا ..لا.. لازم أشوفك وما راح اسكّر لين توعديني متى ؟

قالت : طيّب الخميس الجاي راح نطلع للمكان الفلاني نتقابل هناك والكلام هذا كان يوم السبت

تخيّلوا الانتظار كيف راح يكون من يوم السبت لين الخميس اصعب لحظات عمره كان مقضّي

يومه كلّه نوم علىشان بسرعه الأيّام تمشي

وصل يوم الأربعاء وبداذأ يفكّر

كيف راح يكون شكلها طويلة قصيره بيضا سمره نحيفه دبدوبه حلوه مثل ما هو راسمها بخياله؟

كان يفكر بكلّ شيْ

واتّصلت عليه يوم الخميس قالت له : يالله طالعين وسيّارتنا كذا شكلها ولونها كذا رقم اللوحه

كذا

قال : تمام .. اسمعي أنا كلّ الطريق مقدر اصبر أبيك كلْ دقيقتين تشيّكين على جوّالي علىشان

أحسْ انّك معاي موجوده

وادري انّك ما تقدرين تكلّمين لأنْ اهلك معاك صعبه بسْ اقلْ شيْ كل دقيقتين شيّكي

قالت : اوكي

تحرّكت السيّاره وهوّ حرّك بعدها على طول وكل دقيقتين تجيه تشْييكه على الجوّال لين انقطعت

التشْييكات اكثر من عشر دقايق

ما قدر يصبر أرسل رسالة ولا ردّت عليه تردّد بالاتصااال تردّد و تردّد كثير ما يدري يتّصل أو

يخاف يحرجها مع أهلها

المهم قرّر ويوم دق على جوّالها مر من جنبه سيارة إسعاف متجهة بنفس الطريق اللّي هوّ

يمشي فيه من كثر ما هو مخبوص نزّل الجوّال جنبه وأسرع ورا السيّاره وخلّى الجوّال يدق

( معاودة الاتّصال آليا ) المهم وصل شاف حادث اكثر من مرعب

منظر فيه

عائله كامله يمين الخط منتثره فيها أربع بنات وشايب وحده عجوز كلهم حالتهم وأشكالهم

ميئوس منها بشكل خيالي

السيّارة هيّ نفس السيّاره ونفس اللّوحة ونفس اللّون بسْ كيف راح يعرفها بين البنات الأربع

وهي ما وصفت له حتّى شكلها 00 نزل مع اللّي نزلوا يشوف بقايا حلمه وبقايا أمله صار يناظر

يمين يسار ولو يشوفها ما راح يعرفها

سمع صوت جوّال يرن حاول يتبع الصوت لقى وحده من البنات ماسكه الجوّال ويرن بيدها وهي

شبه ملطّخه بالدّم ومافي أمل من إنّها تعيش إلا بعد إذن الله

شاف اسم المتّصل بجوّالها لقى مكتوب !!!!! ( أمل عمري) قال : يمكن هذي وحده من

صديقات البنت هذي لكن بدون شعور رفع الجوال وناظر للاسم اللّي هـــــوّ ( أمل عمري ) وفتح

الرّقم وكانت الصدمه انّه شاف الرّقم حقّه لأنّ الجوّال لقاه مع وحده كأنّ الجمال ما أنخلق لغيرها

بس للأسف فارقت الحياه

وانقلبت اسعد لحظات عمره بثواني إلى اتعس أيّام العمر

الرّقم لقاه رقمه ولقى اسمه مكتوب ( أمل عمري ) صدمه خلّته ينهار ويغمى عليه وانقلوه

معاها للمستشفى هي انتقلت الى رحمة الله بس هوّ عاش أو اقصد ما عاشت الضحكه بعدها يوم

وترك الوظيفه وتعقّد من عيشته وصار يكره نغمة الجوّال ولا يتكلّم مرّه غير اذا كان مجبور انّه

يسولف ويكره أيّ واحد يجيب أبجديّة كلمة حب عنده

سافر عن المنطقه اللّي كان موظّف فيها وتعرّف على أمل عمره اللّي أنتهى فيها وأخذ عهد على

نفسه انّه مايجي المنطقه هذي إلاّ بنفس اليوم اللّي توفّى فيه حلمه وصار كلّ سنه بنفس اليوم

يسافر للمنطقه ويمر بنفس المكان ويجلس فيه ساعة ويرجع لمنطقته

محمود

منقولة بتصرّف

اجريتُ دموعكنْ ارجوكنْ سامحنني

أحبّكم ننننننن

هههههههههههههههه

إلى لقاااااااااء …